Lezama Gailur Mendi Taldean uste dugu osasun ona, egoera fisiko egokia eta planteatzen dugun mendiarekin bat datozen segurtasun-ezagutzak eta ekipamendua behar direla mendiaz bete-betean gozatzeko; baina, horiez gain, funtsezkoa da dagokion federazio-lizentzia izatea, kirol-jardunarekin lotutako edozein egoeraren aurrean behar diren laguntza- eta mediku-estaldura ziurtatzeko.

Federatzeko 10 arrazoi

  1. Egiaztagiri ofizial bat da, eta kirol gogokoenetako bat egiteko eskubidea ematen digu. Orobat, lizentzia eska dezaketen instalazio publiko, natura-parke edo babestutako eremu jakin batzuetara sartzeko aukera izatea erraz dezake.
  2. Anonimatutik atera eta kirola modu publiko, ireki eta aitortuan egitea dakar.
  3. Doako erreskatea eta aberriratzea ziurtatzen ditu, zenbait herrialdetako bitarteko pribatuek eta publikoek parte hartzen badute.
  4. Mediku-laguntza espezializatua eskuratzeko eskubidea ematen digu, mediku eta erakunde pribatuekin.
  5. Erantzukizun zibileko asegurua eskaintzen du, kirol-jarduera gauzatzeko.
  6. Lehentasuna ematen digu aterpe eta kirol-instalazioen erabileran, deskontu handiekin (FEDME).
  7. Hasteko eta hobetzeko ikastaroetan parte hartzeko eskubidea ematen digu, baita gure kiroleko lehiaketetan parte hartzekoa ere.
  8. Pyrenaica aldizkaria jasotzeko aukera ematen digu.
  9. Federatzen den taldeak diru-laguntzak jasotzeko aukera gehiago izango ditu, eta horien bidez, jarduerak hobe ditzake eta gure kirola susta dezake.
  10. Lezama Gailur Mendi Taldeari aitorpen publikoa ematen dio, mendi-kirolak antolatu eta sustatzeko jardueran.

Jarraian, MODALITATEEI ETA ESTALDUREI buruzko informazioa ikus dezakezu. Orobat, informazio hori guri eska diezagukezu Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. posta elektronikoko helbidera mezu bat idatziz, webgune honetako “Harremanetarako” lasterbidetik abiatuta.

Jakin behar duzu mendi-taldeok soilik izapide ditzakegula federazio-lizentziak. Hortaz, zurea kudeatu ahal izateko, Lezama Gailur Mendi Taldeko bazkide izan behar duzu.

Prozedura horri jarraitu behar diozu federatzeko.